Ухаалаг төрийн үзэл баримтлалын хүрээнд төрийн албаны хүний нөөцийн мэдээллийн сан бүрдүүлэх, энэ үндсэн дээр төрийн байгууллагын бүтэц, орон тооны оновчтой хувилбар боловсруулах, төрийн албаны санхүүжилтийг захиргааны зардлын бодлого, төлөвлөлтийн үйл явцтай уялдуулах, боломжийг бүрдүүлэхэд туслах систем юм. Төрийн албаны хүний нөөцийн удирдлагын системийг ашиглаж төрийн албан хаагчдын бүрэлдэхүүн хөдөлгөөн, боловсрол, мэргэжил, туршлагын дэлгэрэнгүй судалгааг гаргах, хүний нөөцийн удирдлагатай холбоотой ангилал, зэрэглэл, үр дүнгийн гэрээний биелэлт, цалин хөлс зэрэг мэдээллийн талаарх статистик мэдээллийг гаргах, анализ дүгнэлт хийхэд ихээхэн ач холбогдолтой болно.